Shprishja morale e mediave
Mënyra se si mediat funksionojnë në aspektin financiar ua dikton atyre edhe të ndjekin trende edhe të prodhojnë lajme senzacionale. Senazacionalja te mediat krijohet edhe at’herë kur nuk ndodh ajo. E këto ditë në Kosovë nuk pati nevojë për prodhim të senzacionales nga ana e mediave, ngase ajo ndodhi njëmend.
Në harkun e tri ditëve katër të vdekur. Bilanc i frikshëm. Mediat ishin aty për të filmuar momente, për të marrë intervista dhe për t’u lejuar të gjithëve të komentojnë ato përmbajtje. Së pari: cila është poenta që shfaqet videoja e një personi duke qarë deri në dënesë kur merr vesh se ia kanë vrarë gruan. Pse duhet të shfaqet? Me logjikën e mediave duhet të shfaqet sepse ajo ka klikueshmëri. Por, cilat janë pasojat? Së pari ajo video do të qarkullojë në media gjatë gjithë kohës, e gjatë gjithë kohës personi në video do të mund të e shohë veten e tij në atë gjendje, e cila është aq e rëndë saqë do të rikthehet tek personi në formë traume sa herë qe e hasë. Së dyti, atë video do të e shohin edhe të afërm e familjarë të viktimës të cilët kanë dhimbjen për humbjen e familjares e kjo video do të jetë rikujtim për ta sa herë që e shohin.
Së dyti: si është e mundur që mediat të shkojnë aq shpejt tek familjarët e viktimave për t’i intervistuar? Çfarë interviste mund të jap dikush në atë gjendje? Cili është kuptimi i asaj interviste? Këtyre pyetjeve mediat nuk kanë nevojë t’u përgjigjen, sepse ne e kemi të qartë që edhe ato e dijnë se kjo është së paku e papranueshme moralisht e profesionalisht.
Së treti: ka komente në përmbajtjet e këtyre lajmeve që janë denigruese për viktimat e për familjarët e tyre. Jo rrallë ndodh, siç edhe ndodhi në rastet e fundit që komentet në portale bëhen arenë e gjyqit publik. Shpallen fajtorët, e madje gjendet edhe motivet e ngjarjeve. Policia mbase nuk i ka, por komentuesit po. Mediat ëahtë dashur të censurojnë komentet që janë me përmbjtje të papërshtatshme për kontekstin.
Këto janë ofendim për familjarët të cilët tashmë e kanë dhimbjen. Mediat nuk kanë dhembshuri, ngase atë e kanë këmbyer me përfitimin material. Mediat janë në gjendje të përfitojnë nga gjithçka e çdo gjë, ngase ato janë një biznes pa dimension human. Natyrisht nuk janë të gjjtha mediat pjesë e kësaj çordotitjeje, por janë pakicë ato që nuk janë.
