Shtëpia e futbollistit të Manchester City-t, Jack Grealish, u plaçkit teksa klubi i Premier Ligës angleze zhvillonte ndeshjen kundër Evertonit të mërkurën, transmeton Anadolu.
Siç njofton Sky News, incidenti ndodhi teksa Grealish ishte duke luajtur në fitoren 3-1 të City-t ndaj Evertonit. Vjedhësit vodhën bizhuteri dhe orë me vlerë 1,2 milionë dollarë nga rezidenca e tij në Cheshire, një qark në Anglinë veriperëndimore.
Në një deklaratë të policisë thuhet se oficerët, të cilët u mbështetën nga qentë e policisë dhe Shërbimi Ajror Kombëtar i Policisë, dolën në vend-ngjarje dhe u kryen kontrolle në zonën lokale, por nuk kishte asnjë gjurmë të të dyshuarve.
Anësori i majtë anglez shënoi tre gola dhe pati dy asistime në 21 ndeshje këtë sezon.
Gjatë kohës së tij me City, Grealish fitoi trofeun e Ligës së Kampionëve të UEFA-s 2023, Superkupën e UEFA-s 2023/24 dhe Kupën e Botës për Klube FIFA 2024.
28-vjeçari ishte pjesë e kombëtares angleze gjatë EURO 2020 ku humbën në finale nga Italia.
