Njohësi i çështjeve politike, Nexhmedin Spahiu në një intervistë të dhënë në “Prime Time” ka përsëritur deklaratën e tij se Kosova ende është në teh të luftës me Serbinë.
Spahiu ka thënë se një situatë e tillë mund të ndodhë atëherë kur nuk pritet, duke marrë shembull edhe luftën se si ka nisur në Ukrainë.
“Ne akoma nuk e kemi njohjen nga Serbia, implementimin e plotë të planit franko-gjerman, rreziku i luftës nuk mund të shmanget. Ne jemi vazhdimisht në teh. Lufta nuk ndodhë kur tuten krejt që ka me pasë luftë. Por, atëherë kur se presim.”, tha ai në Kanal10.
Ai ka cilësuar se si shkak i luftës mund të jenë incidentet që vazhdimit po ndodhin në veri të vendit.
“Po si tehu i shpatës. Nuk po them që do të kemi 100% luftë, por rreziku që të ketë luftë është evident 50% – 50%. Deri tek kjo na dërgojnë incidentet. Natyrisht që kombet kanë interes për paqe, se lufta dëmton fitimtarin e lëre me humbësin, gjithmonë interesi është më i madh për paqe se luftë. Por kjo sdo të thotë që s’ndodh.”, deklaroi Spahiu./Gazeta10
