Sot në ora 10:00, në Sallën ‘1 Tetori’ në Prishtinë, do të mbahet Ceremonia e Diplomimit të gjeneratës së 58-të të Policisë së Republikës së Kosovës.
Në këtë ceremoni pritet të marrin pjesë personalitetet më të larta shtetërore, përfshirë përfaqësues nga institucionet vendore dhe ndërkombëtare, familjarë të zyrtarëve policorë që do të diplomojnë dhe eprorë të Policisë së Kosovës, raporton RTKlive.
“Personalitetet e larta shtetërore dhe menaxhmenti i Policisë së Kosovës do të ju drejtohen të pranishmëve me nga një fjalë rasti, përderisa në këtë ceremoni do të shpërndahen edhe certifikatat për të diplomuarit”, thuhet në njoftimin e Policisë së Kosovës.
