Trajneri i Kombëtares së Italisë, Luciano Spalletti, ka thurur lavde për trajnerin e Shqipërisë, Silvinjo, duke thënë se ka bërë një punë të madhe në ndërtimin e ekipit.
Ndër të tjera, Spalletti potencon se lojtarët e kombëtares shqiptare meqë luajnë në Itali i njohin mirë.
“Vetë loja është e ndërlikuar. Jam dakord që Slyvinho ka bërë një punë të shkëlqyer në ndërtimin e këtij ekipi dhe ne jemi kundër lojtarëve që kanë cilësi dhe e njohin shumë mirë stilin tonë të futbollit, ata e kanë treguar atë në ligën tonë. Do të jetë një ndeshje e vështirë”, u shpreh Spalleti.
Spalletti kërkoi që tifozët të qëndrojnë me ekipin pavarësisht nga sistemi që vendosin të luajnë në Gjermani.
“Gjithmonë t’i përmbahesh stilit tënd të futbollit është e rëndësishme, por ndonjëherë do të ketë disa që e kundërshtojnë atë. Jam i bindur se ekipi ynë do të jetë në gjendje të tregojë se çfarë duam të bëjmë me stilin tonë. Nuk është vetëm rasti i 11 lojtarëve në fushë, por 60 milionë tifozëve, të cilëve u kërkojmë të luajnë me ne dhe të na japin shtytje në fushë”, vazhdoi ai.
“Duhet thënë se po jetojmë ëndrrën e çdo italiani që në fëmijëri u largua nga shtëpia me topin nën krahë dhe u kthye në shtëpi vonë në mbrëmje me një pamje të lodhur në fytyrë, të djersitur dhe me gjunjë të gërvishtur. Jemi heronj, gjigantë, që do të thotë të veshim uniformën e një ekipi që nuk vuan nga presioni rreth këtij turneu. Gjigantët dhe heronjtë nuk kanë frikë të shkojnë në një ndeshje futbolli”.
Ndeshja mes Shqipërisë dhe Italisë luhet të shtunën në mbrëmje duke nisur nga ora 21:00./kk
