Shkruan: Enis Sulstarova
Micotaqisi, të cilit Rama i përuroi bustin duke folur greqisht, e ka përcaktuar kështu politikën e vendit të tij ndaj Shqipërisë: “Çfarë të kërkojë Shqipëria për Kosovën, ne do të kërkojmë për grekët e Shqipërisë”.
Nuk ka rëndësi nëse Rama e ka ditur ose jo këtë, sepse gjithsesi atij nuk i bëhet vonë. Për pushtet bëhet edhe shpërndarës pice i të mëdhenjve të Evropës.
Problemi është se po me atë lehtësi ai shërben copa Shqipërie te shtetet e huaja dhe te mafiozët brenda vendit. Me të njejtën lehtësi me të cilën i shërben Vuçiqit komunat veriore të Kosovës dhe Zajednicën.
