Kryetari i Sindikatës së Policisë, Imer Zeqiri, sonte tregoi se çka është diskutuar në takimin e sotëm me Ministrin e Punëve të Brendshme, Xhelal Sveçla, ku prezent ishte edhe Drejtori i Përgjithshëm i Policisë së Kosovës, Gazmend Hoxha.
Ai u shpreh se ndër të tjera, në këtë takim u diskutua edhe për ligjin për Sigurime Shëndetësore dhe Jetësore për policët, njofton Klankosova.tv.
Zeqiri u shpreh se u është thënë se po punohet për bërjen e këtij ligji dhe tha se si sindikatë kanë kërkuar që procedurat në këtë drejtim të përshpejtohen.
“Kemi biseduar për kushtet në Policinë e Kosovës, për kërkesat e sindikatës, apo të pjesëtarëve të Policisë së Kosovës, qofshin ato për ligjin për Sigurim Shëndetësor dhe jetësor, e që na u tha se është duke u punuar për bërjen e ligjit për Sigurime Shëndetësore dhe Jetësore në nivel vendi, ne si sindikatë kërkuam që këto procedura të këtij ligji të shpejtohen dhe të bëjnë policinë me Sigurim Shëndetësor dhe Jetësor”, u shpreh ai.
