Ish-ministri i Shëndetësisë, Tritan Shehu nëpërmjet, ka komentuar takimin e paralajmëruar që pritet të zhvillohet të hënën në Tiranë, në kuadër të ‘Open Balkan’.
Shehu ka shkruar në Facebook se projekti ‘Ballkani i Hapur’ lindi nga presidenti i Serbisë, Aleksandër Vuçiq dhe u mbështet nga kryeministri Edi Rama dhe Zoran Zaev, por që sipas tij nuk ka gjetur më tej përkrahje.
Sipas Shehut takimi i thirrur të hënë është një takim bilateral Rama-Vuçiq mbi rrënojat e një projekti të dështuar anti-europian dhe që duhet të varroset, por sipas tij në Beograd ku edhe lindi, jo në Tiranë.
Postimi i plotë:
“Ballkani i hapur” nuk mund te ringjallet dhe as te “varroset” ne Tirane!
Iniciativa “Ballkan i hapur” a “Minishengen ballkanik”, ne realitet “Jugosllavia e Re” është tashme një projekt i “vdekur”.
Ai lindi nga Vuçiqi, u mbështet nga Rama dhe Zaev, duke mos gjetur asnjë përkrahje me tej.
Jo vone dhe elektorati i MV rrezoi Zaev duke votuar edhe kundër këtij projekti.
Kështu kjo formë vuçiqiane “Ballkani” realisht u tret, gjë qe u verifikua ne takimin e fundit te Novi Sad, apo ne atë ”on line” ne Beograd, kur dhe Vucic e braktisi duke zgjedhur Putinin si pjese e Unionit EuroAsian qe është.
Ndërsa Presidenti i MV nga Prishtina i dha “colpo di grazia”.
Pra dhe ai vend, me Zaev ish Kryeministër, është de facto jashtë kësaj iniciative.
Takimi te hënën ne Tirane është një takim bilateral Rama-Vuçiq mbi rrënojat e një projekti te dështuar antieuropeist, qe nuk i ngel tjetër, veçse te varroset.
Por jo ne Tirane!
“Trupi” i tij nuk ka asgjë te përbashkët me vendin tone e aspiraten tone evropiane e perëndimore.
“Varri” i tij mund te jete ne Beograd, aty ku lindi, per reminishencat e te cilit u krijua.
Tashme është e qarte se jo vetëm Shqipëria, por dhe MV, vendet e Rajonit, mbeshtesin e pranojne si forma bashkëpunimi vetëm projektet e Brukselit si psh ai i Berlinit, te domosdoshme këto edhe për procesin tone te integrimit.
Shqipëria nuk ka pse te behet pjese as dhe e ”ceremonisë mortore” te atij procesi te bazuar mbi endra te vjetra nacionaliste serbe e lindore, qe ishte i destinuar te vdiste qe me lindjen e tij.
Se për “ringjallje” as qe behet fjale, ai tashme është ne “vdekje biologjike”.
