Anësori i Real Madridit, Vinicius Jr ka pësuar një lëndim.
Gjiganti spanjoll po përballet me një sërë lëndimesh këtë sezon.
Pas Thibaut Courtois dhe Eder Militao që janë jashtë për një kohë të gjatë, së fundi dëmtim pësoi edhe Vini Jr.
Në fitoren e Realit 1:0 ndaj Celta Vigos braziliani pësoi lëndim.
Po rridhte minuta e 18′ kur Vini u detyrua të lë fushën si pasojë e një dhimbje të madhe në këmbën e djathtë.
Carlo Ancelotti njoftoi që anësori do jetë jashtë për ndeshjen e radhës, por që shkalla e dëmtimit nuk dihej.
Tashmë ‘The Athletic’ njofton që Vinicius Jr mund të jetë jashtë për së paku një muaj.
Kjo do ishte një problem i madh për madrilenët, pasi braziliani është lojtari i tyre kyç.
Kujtojmë që ndeshja e radhës për Real Madridin është ndaj Getafes, të shtunën, nga ora 16:15.
