Tifozët izraelitë, ose më saktë mbështetësit e Maccabi Haifa, shkaktuan një skandal mbrëmë (e enjte) në ndeshjen e tyre jashtë fushe në Hungari, ku skuadra e tyre priti në fushë neutrale ekipin polak Rakow në raundin e tretë kualifikues të Ligës së Konferencës.
Konkretisht, pas ndeshjes, tifozët e Maccabit nxorën në pah një slogan me përmbajtje kontraverse në tribunat e tyre.
Slogani shkruante “Vrasës që nga viti 1939” dhe izraelitët u përpoqën me dëshpërim t’i provokonin polakët, pasi ata aludonin në bashkëpunimin e disa polakëve në krimet kundër hebrenjve gjatë Luftës së Dytë Botërore.
Holokausti u krye nga gjermanët, por izraelitët tani vunë në dukje bashkëpunimin e disa polakëve në të gjithë këtë, gjë që nuk i pëlqeu organizatorëve të ndeshjes së mbrëmshme në Rakow.
“Baneri skandaloz i shfaqur nga tifozët e Maccabi Haifa fyen kujtimin e qytetarëve polakë, viktima të Luftës së Dytë Botërore, përfshirë 3 milionë hebrenj”, shkroi në X, Nawrocki, ish-kreu i Institutit të Kujtimit Kombëtar të Polonisë.
“Marrëzi që asnjë fjalë nuk mund t’i justifikojë”, shtoi presidenti polak, dhe ambasada izraelite në Poloni foli gjithashtu për incidentin, duke dënuar shfaqjen e sloganit.
“Nuk ka vend për fjalë dhe veprime të tilla, nga asnjëra palë, në stadium apo kudo tjetër. Kurrë. Këto incidente të turpshme nuk pasqyrojnë shpirtin e shumicës së tifozëve izraelitë”, shkroi faqja e Ambasadës Izraelite në X.
Ndërkohë, Rakow festoi me rezultat 2-0 në Hungari mbrëmë, duke bërë kështu një kthesë pasi humbi ndeshjen e parë në shtëpi 1-0. Me një rezultat të përgjithshëm prej 2-1, skuadra polake u kualifikua në ‘play-off’ të Ligës së Konferencës.
