Në ditën e fundit të TEKNOFEST-it, festivalit më të madh në botë të aviacionit, hapësirës dhe teknologjisë, janë planifikuar të mbahen aktivitete, gara dhe shfaqje ajrore, raporton Anadolu.
I organizuar nën drejtimin e Fondacionit T3 ( T3 Vakfı – Fondacioni T3) dhe Ministrisë së Industrisë dhe Teknologjisë, TEKNOFEST në të cilin AA është partner global i komunikimit për herë të 8-të, vazhdon të presë vizitorë në ditën e 5-të dhe të fundit të tij në aeroportin “Etimesgut” në Ankara.
Në TEKNOFEST mbahen aktivitetet e tilla si “Tuneli vertikal me erë”, “Tuneli i klimës”, “Vëzhgimi i Diellit”, “Planetarium”, “Parku për fëmijë me temë hapësirën”, “Zona të përvojës së simulimit”, “Aktivitete të stendave të pjesëmarrësve-sponsorëve dhe palëve të interesuara”, “Ekspozita të mjeteve tokësore dhe ajrore”, “Balona me ajër të nxehtë” dhe “Aktivitete të fluturimit me pedale”.
Sot festivali do të vendosë në skenë “Shqiponjat e Jazzit”, “Tayfa teknologjike e Rafadan Tayfa” dhe “Muzikali Hürkuş-Gökbey”.
Po ashtu gjatë aktivitetit do të vazhdojnë shfaqjet dhe garat ajrore.
Sot krahas zv/presidentit Cevdet Yılmaz pritet edhe pjesëmarrja e ministrit të Industrisë dhe Teknologjisë, Mehmet Fatih Kacır si dhe kreu i Bordit drejtues të TEKNOFEST-it dhe kreu i Bordit të Administrimit të Fondacionit T3, Selçuk Bayraktar.
Zona e festivalit do të mund të vizitohet deri në orën 19:00.
