Ukraina dhe Rusia vazhdojnë sulmet. Raportohet se ushtria ruse sërish shënjestroi Kievin, derisa forcat ukrainase po vazhdojnë me fushatën e goditjeve të caqeve ekonomike dhe logjistike brenda Rusisë.
Rusia dhe Ukraina po vazhdojnë të këmbejnë sulme me fluturake pa pilot dhe raketa balistike. Gjatë natës së kaluar, Rusia përsëri sulmoi kryeqytetin ukrainas Kiev me dhjetëra raketa balistike dhe qindra fluturake pa pilot- të cilat vazhdojnë të shënjestrojnë objekte civile. Sipas njoftimeve, së paku 10 persona janë vrarë në rrethinat e Kievit përderisa pesë civil të tjerë janë vrarë gjatë goditjeve ruse ndaj ndërtesave të banimit civil në pjesët tjera të Ukrainës.
Megjithatë shumë ekspertë thonë se sulmet ruse ndaj caqeve civile jo vetëm se nuk do të ndikojnë në zhvillime por se ato po tregojnë që Rusia më nuk është në gjendje të godas caqe të rëndësishme ushtarake dhe se tani po tenton të demoralizon ukrainasit me sulme terrori.
Njëkohësisht është bërë e ditur se Ukraina po vazhdon me fushatën e goditjeve të infrastrukturës energjetike dhe pikave logjistike në Rusi si dhe me goditjet ndaj tankerëve dhe anijeve të transportit në detin azov dhe detin e zi. Kjo fushatë tanimë ka shkaktuar mungesa të naftës dhe derivateve përderisa çdo ditë e më shumë qytetar rus po publikojnë ankesa për gjendjen e vendit dhe humbjeve ekonomike të cilat po i shkakton fushata ukrainase si dhe kritika ndaj mbrojtjes ajrore dhe forcave të armatosura në përgjithësi.
Gjithashtu janë goditur fabrikat për prodhimin e elementeve kyçe që përdoren në armatimin Rus si dhe aeroporte dhe baza ushtarake në pjesë të ndryshme të vendit, disa prej caqeve të goditura kanë qenë më shumë se 1 800 kilometra larg kufirit ukrainas./rtk
