Ushtria izraelite organizoi një bastisje të re ushtarake në qytetin Nablus të Bregut Perëndimor të pushtuar sot, disa orë pasi u tërhoq nga zona, transmeton Anadolu.
Sipas dëshmitarëve, përleshje shpërthyen midis banorëve të zemëruar palestinezë dhe forcave izraelite, të cilat hodhën gaz lotsjellës për të shpërndarë protestuesit.
Punonjësit e ndihmës së parë thanë se trajtuan disa banorë nga asfiksia e përkohshme e shkaktuar nga gazi i forcave izraelite.
Ushtria izraelite tërhoqi forcat e saj nga qyteti në agim pasi kontrolloi disa dyqane në zonë.
Ushtria ka kryer operacione ushtarake në veri të Bregut Perëndimor që nga 21 janari, duke vrarë më shumë se 61 palestinezë dhe duke zhvendosur mijëra të tjerë, sipas zyrtarëve palestinezë.
Tensionet janë rritur në gjithë Bregun Perëndimor të pushtuar, ku, sipas Ministrisë së Shëndetësisë, të paktën 923 palestinezë janë vrarë dhe rreth 7.000 të tjerë janë plagosur në sulmet e ushtrisë izraelite dhe kolonëve të paligjshëm që nga fillimi i luftës në Gaza më 7 tetor 2023.
