Kryetari i Partisë së serbëve të Kosovës, Aleksandar Jabllanoviq ka thënë se askush që nuk ka fituar ulëse në parlament nuk duhet të hyjë në Qeverinë e Kosovës.
Kreu i Partisë së serbëve të Kosovës, Aleksandar Jabllanoviq, në emisionin “Slobodno Srpski” ka thënë se kushdo që nuk ka një mandat parlamentar nuk do të ishte i besueshëm.
Ai në këtë emision ka vënë në pikëpyetje edhe përqindjen e votave që ka fituar Lista Serbe në zgjedhjet e 6 tetorit.
“Me aq sa jam kundër Lista Serbe, megjithëse Lista Serbe nuk është gjithashtu një përfaqësues i besueshëm, sepse ato 97 për qind të votave janë vjedhur vota në tokë dhe njerëzit janë të detyruar, ka edhe të vdekur (midis votuesve) … Nëse partia ime do të ishte parlamentare në unë nuk do të shoh ndonjë problem me këtë, por nëse jeni politikan, keni shkuar në votime, nuk keni hyrë në parlament, dhe po kërkoni të hyni në qeveri, nga këndvështrimi im – është një kundërshtim. Nuk ka asnjë legjitimitet në të”, theksoi Jabllanoviq.
Fitoren e Listës Serbe, Jabllanoviq e krahasoi me fitoret e partive në Korenë e Veriut. Sipas tij, është e pamundur që një parti politike në këtë shekull të marrë 97 për qind të mbështetjes së një populli.
“Unë me përgjegjësi pretendoj se ata (Lista Serbe) nuk e kanë atë mbështetje, dhe se e vërteta është në kutitë që do të kërkojmë të hapen dhe votat të llogariten përsëri në prani të medieve dhe vëzhguesve. Ne kemi prova përkatëse dhe do t’i kemi ato në kohën e duhur. Ne do t’i paraqesim këto ankesa në Komisionin Qendror të Zgjedhjeve dhe në Panelin për Ankesa dhe Parashtrsa”, ka thënë ndër të tjera Jabllanoviq.
Sipas Jabllanoviqit, në disa vendvotime është vërtetuar se Lista Serbe ka falsifikuar procesverbalin.
