Këtë të diel, lajmi i rëndë përshkoi të gjithë rajonin.
Futbollisti i ri hungarez, ish-përfaqësues i atij vendi në kategoritë më të reja, Marko Varga, ka humbur jetën në një aksident të rëndë trafiku, përjcell lajmi.net.
Ngjarja ka ndodhur në Austri, në autostradën A1 Perëndimore, mbrëmjen e djeshme.
Sipas mediave vendase, Varga po kthehet nga një ndeshje ku luajti për skuadrën e tij, ASKO nga Linz. Në atë ndeshje shënues ishte edhe Varga.
Ngjarja e tmerrshme ka ndodhur kur shoferi i furgonit nga drejtimi i kundërt është përplasur me veturën e tij me shpejtësi të madhe. Ambulanca tentoi ta ringjallte, por 26-vjeçari fatkeq nuk ia doli.
“Nuk di çfarë të them në këtë moment. Ende nuk mund ta besoj se çfarë ka ndodhur”, u shprehën nga klubi.
Varga është një ish-futbollist i Honved, Puskas Academy dhe Videoton dhe në karrierën e tij ka veshur fanellën e kombëtareve të reja hungareze.
