Një i burgosur në burgun e Dubravës ka vdekur sot në orët e mëngjesit në Klinikën Infektive.
Shërbimi Korrektues i Kosovës ka bërë të ditur se bëhët fjalë për personin me inicialet A.S, i lindur më 1975.
I njëjti sipas njoftimit të SHKK-së, vuante nga sëmundja e rëndë e mëlçisë dhe si rast ka qenë i vaksinuar me dy doza të vaksinës kundër Covid-19.
Njoftimi i plotë:
Shërbimi Korrektues i Kosovës, njofton opinionin publik se sot rreth orës 07:30 në Klinikën Infektive të SHSKUK-së, ka ndërruar jetë i burgosuri A.S, i lindur më 1975.
Në pranim është konstatuar se vuan nga sëmundje e rëndë dhe e pakthyeshme e mëlçisë, me çrregullime të mëdha të organeve tjera dhe me amputim të këmbës së majtë. Tërë kohën është mbajtur në Stacionarin e Burgut dhe në Spitalin e Përgjithshëm të Pejës, e së fundmi edhe në Kliniken Infektive ku edhe ka ndërruar jetë.
Si rast i rëndë shëndetësor, ka qenë i vaksinuar me dy doza të Vaksinës anti COVID-19!
Për këtë rast është bërë edhe kërkesa për pezullim të dënimit dhe ka qene ne procedure!
A.S po mbante dënimin në Qendrën Korrektuese të Dubravës dhe ishte i dënuar për veprën penale, vjedhje e rëndë.
Organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes.