Një person ka humbur jetën, pasi që i njëjti duke prerë dru në pyll, gjatë rrëzimit të një lisi u godit nga degët, të shtunën në Istog.
Policia thotë se viktima ka humbur jetën në vendin e ngjarjes, derisa edhe një person tjetër është lënduar si pasojë e goditjes nga degët.
I lënduari është dërguar për tretman mjekësor në Spitalin e Pejës.
Ndërkohë, në vendin e ngjarjes kanë dalë njësitë përkatëse, ku nga mjeku kujdestar është konstatuar vdekja e viktimës.
Në raportin ditor të Policisë së Kosovës bëhet ditur se me vendim të prokurorit , trupi i pajetë i viktimës është dërguar në IML për obduksion.
Ndërkaq, rasti është cilësuar “Hetim i vdekjes”.
“Istog 11.11.2023-15:00. Raportohet se dy viktimat meshkuj kosovar, deri sa kanë qenë duke pre dru në pyll, gjatë rrëzimit të një lisi, janë goditur nga degët e lisit dhe si pasoj të njëjtit kanë pësuar lëndime trupore. Në vendin e ngjarjes kanë dal njësitet përkatës, ku mjeku kujdestar ka konstatuar vdekjen e njërit prej viktimave, ndërsa tjetri dërgohet në spitalin e Pejës për tretman mjekësor. Me vendim të prokurorit, trupi i pa jetë i viktimës dërgohet në IML për obduksion”, thuhet në raportin ditor
