Presidentja e Komisionit Evropian, Ursula von der Leyen, tha më 14 tetor në Sarajevë se prioritet është mbajtja e konferencës së parë ndërqeveritare, për çka është e nevojshme të emërohet kryenegociatori.
Ajo theksoi se zgjedhja e personit që do ta mbajë këtë rol i takon institucioneve të Bosnjë e Hercegovinës, por se më e rëndësishmja është që emërimi të bëhet sa më parë, në mënyrë që të mund të fillohet menjëherë me aktivitetet e nevojshme.
Vizita e saj u zhvillua menjëherë pas vendimit të Këshillit të Ministrave, më 30 shtator, për të miratuar Draftin e Agjendës së Reformave, dokument që ka rëndësi vendimtare për tërheqjen e rreth 900 milionë eurove kredi të favorshme dhe grante nga Plani i Rritjes i Bashkimit Evropian.
Ajo theksoi se zgjedhja e personit që do ta mbajë këtë rol i takon institucioneve të Bosnjë e Hercegovinës, por se më e rëndësishmja është që emërimi të bëhet sa më parë, në mënyrë që të mund të fillohet menjëherë me aktivitetet e nevojshme.
Vizita e saj u zhvillua menjëherë pas vendimit të Këshillit të Ministrave, më 30 shtator, për të miratuar Draftin e Agjendës së Reformave, dokument që ka rëndësi vendimtare për tërheqjen e rreth 900 milionë eurove kredi të favorshme dhe grante nga Plani i Rritjes i Bashkimit Evropian.
Vizita e saj ndodhi pas vendimit të Këshillit të Ministrave më 30 shtator për miratimin e Draftit të Agjendës së Reformave – dokument ky që do të mundësojë tërheqjen e rreth 900 milionë eurove në kredi të favorshme dhe grante nga Plani i Rritjes i Bashkimit Evropian. “Ju përgëzoj për Agjendën e Reformave. Tani është radha jonë ta vlerësojmë atë dhe të ecim drejt finalizimit për miratimin e fondeve”, tha presidentja e Komisionit Evropian, duke theksuar se Bosnja “ka bërë një rrugë të gjatë dhe sot qëndron në prag të Bashkimit Evropian”.
Von der Leyen tha se e ardhmja e të gjitha komuniteteve në Bosnjë e Hercegovinë është në BE, duke shtuar se zgjerimi “nuk është vetëm çështje politike, por edhe çështje zemre dhe vullneti”. Ajo përmendi një anketë të fundit ku 72 për qind e qytetarëve të Bosnjës shprehin besim tek BE-ja. “Brezat e rinj duan të jetojnë në një Evropë të bashkuar, dhe detyra jonë është t’ua bëjmë këtë të mundur”, u shpreh ajo.
Nga ana e saj, kryetarja e Këshillit të Ministrave, Borjana Krishto, theksoi nevojën për përgjegjësi politike në procesin e integrimit evropian dhe për unitet mes forcave politike. “Në këtë proces nuk duhet të ketë ndarje mes pozite dhe opozite, por përkushtim të përbashkët ndaj Bashkimit Evropian”, tha ajo. Krishto shtoi se kishte informuar von der Leyen për përgatitjet e Procesit të Berlinit që do të mbahet javën e ardhshme, duke pranuar se ende mungon një marrëveshje për lëvizshmërinë me karta identiteti, shkruan REL.
Gjatë qëndrimit në Sarajevë, presidentja e Komisionit Evropian u takua edhe me anëtarët e Presidencës së Bosnjë e Hercegovinës – Zhelko Komshiq, Zhelka Cvijanoviq dhe Denis Beqiroviq. Para vizitës në kryeqytet, ajo ndaloi në Qendrën Përkujtimore të Potoçarit pranë Srebrenicës, ku theksoi se “Bashkimi Evropian do ta kujtojë gjithmonë gjenocidin e Srebrenicës dhe nuk do të lejojë që të shkruhet një histori e re për të”./rel
