Presidenti i Serbisë, Aleksandar Vuçiq, tha se serbët në Kosovë “do të jenë më mirë” pas 5-10 viteve të ardhshme, transmeton gazeta “Kosova Sot Online”.
Ai tha se për momentin nuk është optimist “për pozicionin e serbëve” në Kosovë.
Kur u pyet se mbi çfarë baze mendon se gjërat do të jenë më mirë pas pesë vjetësh, ai u përgjigj se nuk mund ta zbulonte.
“Por mbi bazën e logjikës së argumenteve të hekurta, të cilat unë i ndjek gjithmonë”, tha ai, siç raporton Kossev.
Në një intervistë me RTS mbrëmë, Aleksandar Vuçiq tha se i përgëzon anëtarët e Listës Srpska për “rezultatin e pamundur” në “kushte të pamundura”, ku “të gjithë të huajt punuan kundër tyre”.
“…Para së gjithash, ata nga Perëndimi, dhe të gjithë këtu në mediat kryesore që kundërshtuan qeverinë punuan gjithashtu kundër tyre. Ku të gjitha burimet shqiptare u investuan në ndihmë absolutisht të kundërshtarëve serbë dhe shqiptarë të Listës Serbe”.
“Këta njerëz i kanë rezistuar të gjithave.Këta janë njerëz me autoritet – si Elek ashtu edhe Miloviq, por edhe Simiq, nga të gjitha anët dhe djemtë tanë nga Shtërpca – Jefta, Braca dhe të gjithë e të mos flas për ata në Graçanicë”.
Ai përmendi fitoren e Listës Srpska në Graçanicë si “veçanërisht të rëndësishme”, duke përmendur se Aleanca Shqiptare fitoi 23 përqind dhe tha se “kjo është e gjitha që ata arritën të na e merrnin”.
I pyetur se çfarë do të jenë në gjendje të bëjnë tani serbët në komunat ku po kthehen në pushtet, Vuçiq tha se “Serbia me siguri do të vazhdojë të ndihmojë popullin e saj në Kosovë”.
“Ata nuk mund të na pengojnë të vazhdojmë të ndihmojmë dhe ne jemi nën një presion të madh nga jashtë për të mos e bërë këtë… e patë reagimin e përfaqësuesit estonez të BE-së, i cili u tmerrua që po punësojmë 400 persona në institucionet tona shëndetësore. Kështu që pyes veten – ku dreqin u rritët…? Kush dreqin jeni ju? Çfarë jeni ju? A e keni lexuar Marrëveshjen e Brukselit, a keni lexuar ndonjë gjë? A dini ndonjë gjë që është negociuar? Për çfarë bëhet fjalë”, pyeti ai.
Pra, “njerëzit e dinë sa e vështirë është”.
