Zëvendësministri i Punëve të Jashtme dhe Diasporës (MPJD), Kreshnik Ahmeti, ka pritur në takim Drejtorin e Përgjithshëm për Ballkan në Ministrinë e Punëve të Jashtme të Türkiye-s, Ambasadorin Ilhan Saygılı, transmeton Anadolu.
Siç njofton MPJD, Ahmeti dhe Saygılı diskutuan mbi thellimin e raporteve të shkëlqyera midis dy Kosovës dhe Türkiye-s, me theks të veçantë në organizimin e konsultimeve të dyta politike gjatë këtij viti, bashkëpunimin në fushën e sigurisë e mbrojtjes dhe procesin e integrimit të Republikës së Kosovës në organizata ndërkombëtare.
Përveç kësaj, në takim u diskutua edhe për procesin e dialogut mes Republikës së Kosovës dhe Serbisë dhe zhvillimet e fundit në rajon.
Drejtori Saygılı, u shpreh falënderues për mikpritjen në Kosovë, duke theksuar se Türkiye do të vazhdojë mbështetjen për Kosovën me të gjitha kapacitetet e saja.
Ndërsa, zëvendësministri Ahmeti e falënderoi Drejtorin Saygılı për bashkëpunimin e afërt dhe të vazhdueshëm të Republikës së Türkiye-s me Republikën e Kosovës.