Nga; Besim Ademi
Mitrovica dhe veriu i Kosovës është rast i veçantë, me specifikat e veta që i dimë të gjithë. Ajo nuk është vetëm një çështje e politikës së brendshme, qyteti i Mitrovicës kërkon kujdes të veçantë, kërkon që t’i kthejmë jo vetëm sytë, por edhe zemrën, punë e pëkushtim nga të gjithë.
Ky qytet është si një thikë me dy teha!
Politikat e brendshme nuk duhet ta lejojnë të humbë rëndësinë dhe autoritetin e saj.
Fatkeqësisht, Mitrovica shpesh është trajtuar si “e fituar”, duke harruar se aty është derdhur gjak e shumë punë, angazhim e sakrificë, madje edhe me rrezikim të raporteve ndërkombëtare, nga vet kryeministri Albin Kurti, për të forcuar autoritetin shtetëror në një zonë ku për dekada sundonin banda kriminale e paramilitare serbe me një pjesë mbështetje politike e institucionale, duke inkriminuar madje edhe strukturat e sigurisë, institucionin më me peshë dhe ndjeshmëri te shtetit.
Sot, Mitrovica frymon ndryshe.
Në Mitrovicë, zgjedhjet nuk janë thjesht një proces politik vendor, ato kanë ndikim të drejtpërdrejtë në legjitimitetin e shtrirjes së autoritetit të Republikës së Kosovës në veri.
Nëse në Mitrovicë, me dashje apo pa, humbë Vetëvendosje, atëherë rrezikohet të zbehet puna, veprimet dhe suksesi i funksionimit te shtetit ne ate pjese. Kjo do t’i jepte hapësirë atyre që duan ta paraqesin sikur qytetarët nuk mbështesin përpjekjet për sovranitet e rend shtetëror në atë pjesë të vendit. Kjo mund të keqinterpretohet nga nderkombëtar e dashakeq te vendit tonë se “po te ishin këto veprime te duhura dhe te mirepritura do te kishit edhe mbeshtetjen popullore me te madhe”. qe ish pa si një llojë deligjimiteti politik.
Prandaj, Mitrovica nuk është si komunat e tjera. Asaj i duhet mbështetje popullore jo për të fituar një parti shqiptare ndaj tjetrës, por për të legjitimuar përpjekjet shtetformuese të qeverisë dhe veprimet e kryeministrit Kurti në veri të Kosovës.
Kjo është arsyeja pse secili duhet të japë kontributin e vet aktivistët, dashamirë dhe, mbi të gjitha, qytetarët e Mitrovicës.
Sepse Mitrovica është shumë më tepër se një betejë politike. Ajo është zemra e sovranitetit të shtetit tonë.
