Zv/kryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Drejtorin e Përgjithshëm për Ballkanin në Ministrinë e Punëve të Jashtme të Türkiye-s, Ambasadorin Ilhan Saygılı, i shoqëruar nga ambasadori i Türkiye-s në Kosovë, Sabri Tunç Angılı, transmeton Kosova Post.
Siç njofton Zyra e Kryeministrit, palët në këtë takim diskutuan mbi thellimin e raporteve mes dy vendeve dhe mundësitë e zgjerimit të mëtejmë të bashkëpunimit dypalësh, në fusha të ndryshme me interes të përbashkët.
“Potencial të madh shfaqin rritja e shkëmbimeve tregtare, shtimi i investimeve nga bizneset e Türkiyes, por edhe organizimi i aktiviteteve të përbashkëta”, shkruan në komunikatë.
Po ashtu në takim u shpreh mirënjohja e thellë dhe falënderimi për ndihmën dhe solidaritetin e ardhur nga Republika e Kosovës dhe dërgimit të ekipeve të shpëtimit në rastin e tërmetit të fuqishëm që goditi Türkiyen, për të cilën u tha se është vlerësuar lartësisht.
Duke i uruar qëndrim të frytshëm dhe produktiv në Kosovë, Bislimi e falënderoi diplomatin Saygılı për takimin, bisedën dhe bashkëpunimin e vazhdueshëm të Republikës së Türkiye-s me Republikën e Kosovës./aa
