Në Prishtinë është shënuar 37-vjetori i Lidhjes Qytetare dhe Fondacionit Shqiptaro-Amerikan, me fokus në kontributin për Kosovën dhe forcimin e marrëdhënieve shqiptaro-amerikane. Në ceremoni ishte i pranishëm edhe ish-kongresisti amerikan Joseph DioGuardi, i cili një ditë më parë mori shtetësinë e Kosovës.
Pjesëmarrësit vlerësuan rolin e diasporës dhe të kësaj organizate në ndërkombëtarizimin e çështjes së Kosovës. DioGuardi tha se përpjekjet për ta treguar të vërtetën për Kosovën duhet të vazhdojnë edhe në të ardhmen.
Në 37 vjetorin të Lidhjes Qytetare dhe Fondacionit Shqiptaro Amerikan, në Prishtinë janë përkujtuar përpjekjet për ta mbajtur gjallë të kaluarën e historisë të shqiptarëve të Kosovës. Në këtë ceremoni ishte i pranishëm edhe ish-kongresisti amerikan, Joseoph Diogardi i cili një ditë më parë mori shtetësinë e Kosovës.
“Kur liga qytetare shqiptaro – amerikane u themelua më 1989, kongresisti Joseoph Diogardi dhe një grup Shqiptaro – Amerikan, disa nga ata prej të cilëve janë tani këtu, dhanë kontributin e tyre. Ndërsa pak njerëz mund ta paramendonin udhëtimin historik që na priste. Sot nuk festojmë vetëm 37 vjetorin e ligës Shqiptaro – Amerikane – sot festojmë 37 vjet përkushtim të zërit të shqiptarëve në Uashington, 37 vjet përkrahje të palëkundur për lirinë, demokracinë dhe miqësinë mes popullit shqiptar dhe atij amerikan”, tha Agim Aliqkaj, aktivist i LQSHA.
“Nëse nuk do të garoja për kongres atëherë, ndoshta, as që do të kishte Kosovë. E kuptoni, apo jam duke e tepruar. Ta pranojmë të vërtetën, nëse besoni që është një tregim tjetër mos u habisni
që mund të jetë një tregim tjetër që duhet treguar, e që e kemi për Kosovën. Serbët e bëjnë këtë me vite, meqë i kanë paratë, mbështetësin e tyre Rusinë, monizmin dhe gënjeshtrat, ndërsa këto e kanë mbajtur Kosovën në pozicion të ultë. Falë Zotit që ishit dhe jeni këtu dhe nuk jeni zhdukur, gjë që ka mundur të ndodhë. Zoti ju bekoftë që jeni këtu” tha Joseph J. DioGuardi, ish- kongresist amerikan.
Ndërsa shënohet dhe kujtohet e kaluara e rëndësishme, është e ardhmja dhe bashkëjetesa e shqiptarëve në harmoni me popujt, pa dallim të bindjeve fetare, duke u nënvizuar kontributi i Lidhjes Qytetare për Drejtësi dhe të vërtetë ka ndryshuar rrjedhën e historisë në trojet ku jetojnë shqiptarët./rtk
