Kanceri i gjirit mund të shfaqet në familje dhe ky quhet kancer i trashëguar i gjirit, e që mutacionet e gjenit BRCA janë shkaku më i zakonshëm i kancerit të trashëguar të gjirit, raporton Healthline.
Sipas “Shoqatës Amerikane të Kancerit, me përjashtim të disa llojeve të kancerit të lëkurës, kanceri i gjirit është më i zakonshëm tek njerëzit që janë caktuar femra në lindje. Në këtë grup, rreziku mesatar gjatë gjithë jetës për zhvillimin e kancerit të gjirit është 13 përqind”.
E disa individë kanë një shans më të lartë të kancerit të gjirit, dhe kjo mund të jetë për shkak të faktorëve gjenetikë që rrisin rrezikun.
Shkaku më i zakonshëm trashëgues i kancerit të gjirit janë mutacionet në gjenet BRCA1 ose BRCA2. Individët me mutacione BRCA kanë rreth 70% shans për të zhvilluar kancer gjiri deri në moshën 80 vjeç. Këto mutacione gjithashtu rrisin rrezikun e kancerit të gjirit në një moshë më të re dhe kancere të tjera, duke përfshirë kancerin e vezoreve dhe pankreasit.
Është gjithashtu e mundur që kanceri i gjirit të shfaqet në familjen tuaj, por të mos shoqërohet me ndonjë mutacion të njohur që rrit rrezikun e kancerit të gjirit. Shkencëtarët vazhdojnë të punojnë për të identifikuar dhe karakterizuar faktorët e mëtejshëm të rrezikut të trashëguar për këtë sëmundje./kk
Ndërkaq, mjetet e vlerësimit të rrezikut të kancerit të gjirit që bazohen kryesisht në historinë familjare kanë përcaktuar se rreziku i kancerit të gjirit gjatë gjithë jetës tuaj është 20-25%.
Ndërsa individët me rrezik të lartë duhet të vazhdojnë kontrollin me MRI dhe mamografi vjetore të gjirit për sa kohë që janë në gjendje të mirë shëndetësore.
