Afro 100 mijë euro janë ndarë nga Ministria e Kulturës për intervenimin emergjent në rezidencën e ish presidentit Ibrahim Rugova. Ky projekt i cili pritet të zgjasë 90 ditë do të rinovojë kulmin tarracat, e fasadën e rezidencës.
Afro 100 mijë euro ndahen për intervenime emergjente në rezidencën e Rugovës
Rezidenca
Rezidenca e ish- Presidentit Ibrahim Rugova, është dëmtuar.
Një pjesë e fasadës së saj është demoluar ndërsa një pjesë tjetër është plasaritur.
Por pamja e saj së shpejti pritet të ndryshojë.
Kjo pasi që Ministria e Kulturës ka hapur tender në të cilin parashihet renovimi i rezidencës.
Në rezidencën e ish presidentit Ibrahim Rugova pritet qe se shpejti të bëhen intervenime emergjente. Televizioni ka provuar të marrë qëndrim nga familjaret e ish presidentit për gjendjen e Rezidencës por nuk kanë kthyer përgjigje.
Ky tender kap vlerën e 99 mijë e 976 euro.
Sipas tenderit të shpallur në këtë çmimi parashihet blerja, transporti dhe montimi, thyerjet, largimi i materialit të papërdorur dhe të panevojshëm deri në deponi legale.
Intervenimet pritet të bëhen në kulm, tarracë e në fasadë.
Nga zyra e prokurimit në Ministrinë e Kulturës kanë dhënë detaje se sa pritet të zgjasin këto intervenime.
“Zyra e Prokurimit në MKRS ka ngritur në platformën elektronike e-prokurimit, procedurën e prokurimit: Intervenime emergjente në Rezidencën Dr. Ibrahim Rugova – Prishtinë –procedure kjo e iniciuar nga Departamenti i Trashëgimisë Kulturore dhe Qendra Rajonale për Trashëgimi Kulturore në Prishtinë. Kjo procedurë nëse përfundon me një kontratë të lidhur ka për qëllim realizimin e tërësishëm të procedurës në afat prej 90 ditëve”, ka thënë për Tëvë1 Egzon Zariqi- zv.drejtor i prokurimit
Afati i fundit për dorëzimin e ofertave për pjesëmarrje në këtë tender ishte deri më 3 shkurt.
