Lideri i AAK’së, Ramush Haradinaj ka folur për liderin e NISMA’s, Fatmir Limaj të cilin edhe kanë qenë së bashku në koalicion për zgjedhjet e 9 shkurtit. Ai tha se Limaj i dha një ‘goditje’ mundësisë së një qeverie të opozitës.
I pyetur se Limaj nuk tha asnjëherë që s’është për një opsion të opozitës, Haradinaj u përgjigj me ‘Shihja veprat e jo fjalët’.;
“Ai(Limaj) është në komunikim të vazhdueshëm me Kurtin, kanë ndodhur disa takime. Takimin më zyrtar e kanë pasur më 4 prill, të kafiteria BAHO në katin e dytë, kanë qëndru kogja gjatë të dy. Ne kemi qëndrim të qartë, nuk do të luajmë me dy karta. Ne jemi përcaktu për qeverinë e opozitës, do t’i mbesim besnik kësaj rruge”, tha Haradinaj.
Sipas Haradinajt, pozicioni i Limajt është i gabuar, teksa shtoi se “nuk ka pas nevojë me u nda”.
Haradinaj tha se me Limajn ka përfundu bashkëpunimi i tij.
“Me mu ka përfundu bashkëpunimi, edhe me pas jetën e varuar me Limaj, tri votat e tij nuk i dua”, tha Haradinajt për Limajn,
“Asnjëherë s’kemi diskutu që njëri nga ne me shku me mashtruesin”, tha Haradinaj, referuar si “mashtrues” Kurtit.
“Nuk kemi komunikim, e ka vështirësu bashkëpunimin me ne, në pozicionimin e tij i hapur për negociim me Kurtin dhe me negociatat me Kurtin ndaras nga ne dhe ndaras nga opozita”, tha Haradinaj për raportin me Limajn në Pressing, transmeton Express.
“Ai është në komunikim të vazhdueshëm me z.Kurti”, pohoi tutje Haradinaj.
“Ne jemi përcaktu për qeveri të opozitës”, shtoi Haradinaj.
