Ambasadori i Shteteve të Bashkuara të Amerikës në Kosovë, Jeffrey Hovenier ka kujtuar 18 shkurtin e vitit 2008, ditën kur SHBA-të njohën shtetin e pavarur dhe sovran të Kosovës.
SHBA-të e njohën Kosovën më 18 shkurt, vetëm një ditë pas shpalljes së pavarësisë.
Ambasadori amerikan kujton 18 shkurtin e 2008-së gjersa thekson se janë krenarë për mbështetjen dhe të frymëzuar nga demokracia në Kosovë.
“Këtë Ditë të vitit 2008, Shtetet e Bashkuara e njohën zyrtarisht Kosovën. 15 vjet më vonë, ne jemi krenarë për mbështetjen tonë dhe të frymëzuar nga demokracia ka arritur populli i Kosovës”, shkruan ambasadori amerikan në Twitter, të cilës ia ka bashkëngjitur një kolazh me fotografi të ngjarjeve kryesore dhe takimeve ndërmjet zyrtarëve amerikan e nga Kosova.
Ai një ditë më parë me një video drejtuar qytetarëve të Kosovës në ditën e pavarësisë tha se shteti më i ri në Evropës ka bërë hapa të mëdhenj në këto 15 vjet.
Hovenier theksoi se ka nderin të jetë pjesë e historisë së përbashkët.
“Gëzuar Ditën e Pavarësisë, Kosovë! Kam pasur privilegjin dhe nderin të jem pjesë e historisë sonë të përbashkët, duke parë Kosovën duke bërë hapa të mëdhenj gjatë 15 viteve të fundit. Shtetet e Bashkuara janë krenare për mbështetjen e hershme dhe të qëndrueshme dhe për partneritetin me popullin kosovar, derisa ky vend i ri e merr vendin e saj në strukturat evropiane, euro-atlantike dhe ndërkombëtare”, ishte shprehur të premten ambasadori Hovenier.
“Kemi qenë me ju prej fillimit dhe partneriteti ynë mbetet i fortë si guri”, thotë ndër të tjera ambasadori.
Ambasadori amerikan në këtë video theksoi se gjatë këtyre viteve ka parë personalisht progresin e madh që është arritur gjatë këtyre viteve dhe kjo sipas tij është rezultat i punës dhe përkushtimit të popullit të Kosovës për të çuar para sovranitetin, pavarësinë dhe demokracinë e vendit të tyre.
#OnThisDay in 2008, the United States formally recognized Kosovo. 15 years later, we are proud of our support and inspired by the vibrant, flourishing democracy the people of Kosovo have achieved. pic.twitter.com/XEkGmU8su2
— Ambassador Jeff Hovenier (@USAmbKosovo) February 18, 2023
