Në Prishtinë po mbahet edicioni i tretë i Samitit të Kosovës për Paqe dhe Demokraci me titull “Realitete radikale: dinamika etno-politike dhe integrimi euro-atlantik i Ballkanit Perëndimor”.
Gjatë samitit u kërkua që Kosova dhe Serbia të zbatojnë marrëveshjet e arritura deri më tani.
Një mesazh të tillë e dha edhe ambasadori i SHBA-së në Kosovë, Jeffrey Hovenier.
Ndërsa, ai foli edhe për rrugën euroatlantike të vendit, për çka tha se SHBA do ta mbështesë Kosovën në këtë drejtim.
“Presim qe të dy qeveritë të veprojnë në përputhje me të gjitha obligimet e marra në dialog. Presim të marrin dialogun seriozisht”, tha Hovenier.
Ndërsa, ambasadori i Gjermanisë, Jörn Rohde tha se Prishtina dhe Beogradi zyrtar duhet të zbatojnë marrëveshjen bazë.
Me këtë rast ai u shpreh se vendi duhet të themeloj Asociacionin e Komunave me Shumicë Serbe.
Përmes samitit po synohet të promovohet dialogu dhe bashkëpunimi në Ballkanin Perëndimor.rtk.
