Një 49-vjeçare në Angli, u shtir kinse është me aftësi të kufizuara për të fituar mbi 24 mijë euro, por mashtrimi i saj u zbulua kur ajo u pa në maratonë duke vrapuar.
Sara Morris, nga Stone, Staffordshire, e ekzagjeroi shtrirjen e gjendjes së saj dhe kërkoi shumë pagesë për pavarësinë personale (PIP) nga Departamenti i Punës dhe Pensioneve (DWP) në 2020.
Gruaja e cila kërkoi përfitime për sklerozën e shumëfishtë “të rëndë”, u pa më vonë duke vrapuar 5 km, 10 km dhe gara maratonë në mënyrë konkurruese.
Nga 20 tetori 2020 deri më 25 prill 2023, ajo u pagua me 20 mijë e 528 paund (24 mijë e 440 euro) dhe konkurroi në 73 gara midis majit 2019 dhe dhjetorit 2022.
Prokurorja Regan Walters i tha gjykatës: “Përfitimi u pagua në bazë të asaj që ajo do të njoftonte DWP për çdo ndryshim që ndikonte në shumën e përfitimeve. E pandehura ka nënshkruar dhe ka datuar formularin e kërkesës PIP më 20 nëntor 2020 dhe ka nënshkruar deklaratën”.
“Më 21 janar 2021 ajo pati një konsultim kokë më kokë. Pagesa është llogaritur dhe autorizuar që në atë fazë”.
DWP, shpejt zbuloi se Morris kishte qenë duke konkurruar në garat e saj të vrapimit, pasi i pa fotot e saj në Facebook, raporton Metro.co, transmeton Klankosova.tv.
