Presidenti i Shqipërisë, Bajram Begaj mbledh sot (28 shtator) Këshillin e Sigurisë Kombëtare të Republikës së Shqipërisë.
Mbledhja është caktuar të mbahet mëngjesin e sotëm në Pallatin e Brigadave, ku të pranishëm do të jenë kryeministri Edi Rama dhe autoritetet më të larta të sigurisë.
Mbledhja e Këshillit të Sigurisë Kombëtare vjen pas shkarkimit të kreut të SHISH, Vlora Hyseni. Kjo e fundit u vetëdorëzua më 22 shtator ndërsa aktualisht ndodhet në masën “arrest në shtëpi”.
Ndaj Hysenit rëndojnë akuzat Përkrahja e autorit të krimit”, dhe “Zbulimi i akteve ose të dhënave sekrete”. Dyshohet se Hyseni i ka vendosur në dispozicion materiale sekrete shtetërore Ergys Agasit, i arrestuar për aferën e AKSHI-t.Ndërkaq, pas shkarkimit nga detyra të Vlora Hysenit, Presidenti Bajram Begaj thërriti në takim Drejtorin e Komanduar të Shërbimit Informativ Shtetëror, Elvis Lila, Ministrin e Brendshëm Ervin Demo, si dhe Drejtorin e Përgjithshëm të Policisë së Shtetit, Skënder Hita
