Artistët palestinezë kanë realizuar një mural me portretin e reperit amerikan Macklemore në murin e një ndërtese të dëmtuar nga sulmet izraelite në Gaza, përcjell Kosova Post.
Murali është realizuar si shenjë mirënjohjeje ndaj artistit amerikan për qëndrimet dhe mbështetjen e tij publike ndaj palestinezëve.
Piktura murale, e vendosur në një prej ndërtesave të shkatërruara në Gaza, synon të pasqyrojë solidaritetin e artistëve palestinezë me figurat publike që kanë shprehur mbështetje për popullin palestinez.
Macklemore është shprehur publikisht në mbështetje të palestinezëve dhe ka kritikuar veprimet e Izraelit në Gaza, duke e bërë qëndrimin e tij pjesë të debatit ndërkombëtar rreth luftës dhe situatës humanitare në territorin palestinez.
