Rrjeti amerikan i ushqimit të shpejtë Burger King ka humbur betejën e tij ligjore 13-vjeçare kundër restorantit indian me të njëjtin emër, transmeton Kosova Post.
Një gjykatë në Indi hodhi poshtë padinë e ngritur nga Burger King në qytetin Pune, në shtetin perëndimor indian të Maharashtra, duke pretenduar për shkelje të markës tregtare, duke theksuar se restoranti në qytetin Pune filloi të funksiononte në vitin 1992, shumë kohë përpara se kompania shumëkombëshe Burger King të fillonte të bënte biznes në këtë vend.
Burger King u themelua në vitin 1953 me emrin Insta-Burger King dhe e ndryshoi emrin në Burger King në 1959. Ajo hyri në tregun indian në nëntor 2014, hapi pikën e parë të shitjes në kryeqytetin Delhi dhe më von hapën edhe në qytetin Pune.
Kompania kishte deklaruar se i kishte dërguar një letër për të ndaluar çiftin Parsi. Anahita Parsi dhe Shapoor Parsi në vitin 2009, e kishin emëruar restorantin e tyre në Pune Burger King.
Çifti Parsi u deklaruan se meqenëse nuk kishte restorant Burger King që vepronte në Indi në atë kohë, kompania amerikane ligjërisht nuk kishte asnjë të drejtë për të ia ndaluar emrin.
Burger King ngriti një padi kundër restorantit në qytetin Pune në vitin 2011, duke pretenduar se i ishin shkelur të drejtat e autorit dhe gjithashtu kërkoi kompensim.
Çifti Parsi kishin argumentuar se ata e kishin përdorur këtë emër që nga viti 1992, më shumë se 10 vjet përpara se zinxhiri amerikan të vinte në Indi. Ata shtuan se restoranti në Pune nuk mund të ngatërrohet me zinxhirin global pasi logoja e tyre është e ndryshme.
Shkarkimi dhe publikimi i teksteve nga Kosova Post nuk lejohet pa përmendur burimin.
