Ministri i Punëve të Jashtme të Serbisë, Ivica Daçiq, ka thënë të mërkurën për Radio Televizionin e Vojvodinës se lidershipi serb nuk do të ndryshojë qëndrim për njohjen e Kosovës dhe nuk do të lejojë që Kosova të bëhet anëtare e OKB-së, duke shtuar se Serbia nuk dëshiron ta rinegociojë Asociacionin e Komunave me Shumicë Serbe.
Ai tha se Serbia nuk do të ndryshojë qëndrim as sa i përket vendosjes së sanksioneve ndaj Rusisë. Ai tha se nuk presin që ndërkombëtarët të ndryshojnë qëndrim për pavarësinë e Kosovës, por tha se “Serbia i ka vijat e saj të kuqe”.
“Ne nuk duam të rinegociojmë Asociacionin. Asociacioni është nënshkruar, por ende ne nuk po e marrim. Nëse nënshkruajmë diçka që nuk do ta marrim, nuk na nevojitet kjo? Nuk ka njohja e Kosovës, as pranim në OKB-në”, tha Daçiq.