Tensioni në Egje vazhdon të rritet me deklaratat nga Athina. Një tjetër emër i është bashkuar karvanit të politikanëve grekë, të cilët kanë vënë në shënjestër vazhdimisht Turqinë me deklaratat e tyre skandaloze, transmeton KosovaPost.
Së fundmi, Ministri grek i Zhvillimit dhe Investimeve, Adonis Georgiadis, ka bërë deklarata skandaloze për Turqinë.
Duke iu përgjigjur paralajmërimit të Presidentit Erdogan drejtuar Greqisë, ” Mund të vijmë papritur një natë”, Georgiadis përdori këto shprehje skandaloze:
“Ne qeshim sa herë që dëgjojmë këto fjalë. Dua të informoj zotin Erdogan se Rafale dhe Viper do të shtypin Forcat Ajrore Turke nëse guxojnë të vijnë natën, mesditën, mëngjesin ose pasdite.”
Duke nënvizuar se ai besonte në një fjalë të urtë romake “nëse do paqe, bëhu gati për luftë” , ministri grek vazhdoi:
“Unë po i them Erdoganit, nuk mund të ngatërrohesh me Greqinë. Ne nuk blejmë avionë luftarakë për të shkuar në luftë me Turqinë. Mitsotakis erdhi dhe forcoi Forcat e Armatosura. Ne blemë silurët, porositëm fregata, bëmë aleancë me Francën, ne morëm Rafales.”