Deputeti i Lëvizjes Vetëvendosje, Eman Rrahmani, ka thënë se është pro tërheqjes deri në 30 për qind të mjeteve nga Fondet Pensionale, por me kusht që mjetet e tërhequra të rimbursohen në një periudhë 10-vjeçare.
Në seancën e Kuvendit të Kosovës, Rrahmani ka deklaruar se do ta prezantojë një amadament në të cilin do të përfshihej kushti i tij për rikthimin e mjeteve të tërhequra te kontributdhënësit.
Ai ka thënë se po ashtu duhet që të rregullohet çështja e tërheqjes së mjeteve nga Trusti për nevoja shëndetësore të qytetarëve.
“Sot kjo iniciativë është më ndryshe por mendoj se nuk është e duhura. Mendoj se mund të gjejmë një zgjidhje dhe të largohemi pak nga kjo retorikë. Janë disa mënyra të cilat e kanë rregulluar çështjen e rimbursimit të mjeteve në Trust dhe mendoj se mund të gjejmë një zgjidhje të përshtatshme edhe për kontributdhënësit, edhe për neve”.
