Shkruan: Elvis Hoxha
Pyetje mbi naivitetin e ndërkombëtarëve:
– Politika e Departamentit Amerikan të Shtetit është reduktuar nga Bideni te Hilli.
Hilli po i shërben si dikur Grenelli Serbisë që ta mbajë qëndrimin e vet kundër paqes dhe kundër NATO-s.
Pyetja është se deri në ç’pikë mund ta mbrojë ambasadori i Amerikës në Beograd një shtet kundër NATO-s.
– Macroni po përpiqet të bëjë tregti avionësh luftë me Serbinë. Pra Franca kërkon që Serbia të paguaj buxhetimin ushtarak të Francës si ushtri e NATO-s. Pyetja është se në ç’moment presidenti francez mund të kuptojë se në situatë lufte NATO dhe ushtria franceze do të luftohen nga avionët e vet.
– Scholtzi nuk po duket më. Në kohën e Merkel it, në marrëdhëniet e Francës me Gjermaninë nuk dukej Franca. Sot, me Scholtzin, nuk duket Gjermania.
– Quint nuk flet. Serbia e provokon dhe Quinti rri heshtur. Pyetja është se kur do të kuptojnë se Serbia është përjetë pro-ruse dhe se Putini po tallet me ambasadorët përmes Vuçiçit.
– Për Republikën e Shqipërisë nuk ia vlen të flasim. Politika e saj zyrtare ka qenë gjithnjë hallka më e dobët e popullit shqiptar në rajon, sidomos me Ramën për kryeministër.
Në këto kushte, dhe që të marrin përgjigjen e duhur keto pyetje, qëndresa e Republikës së Kosovës në drejtësinë e vet është mundësia e suksesit dhe e ndërkombëtarizimit të saktë të çështjes shqiptare. Senatorët dhe deputetët në shtetet e mëdhenj, mediet e tyre po e shohin se si po fabrikojnë eskalimin sjelljet e disa ambasadorëve, përfshirë këtu Borrellin dhe Lajçakun. Deputetët dhe mediet në botën dempkratike kanë nisur të flasin, madje me terma të ashpër.
