Gjatë ditës së sotme kryeministri i Kosovës Albin Kurti do të raportojë para deputetëve të Kuvendit lidhur me procesin e dialogut me Serbinë.
Ky raportim vjen pas kërkesës nga ana e opozitës për raportim nga Kurti pas takimit të fundit me liderët evropianë në Bruksel.
Raportimi i Kurtit pritet të nis nga ora 11:00.Po ashtu pos raportimit të Kurtiti, në rend të ditës janë edhe disa pika tjera.
Rendi i ditës:
Raportimi i Kryeministrit të Kosovës, z. Albin Kurti për takimin e fundit në Bruksel në lidhje me dialogun Kosovë-Serbi,
Votimi i Propozim-Rezolutës për mbështetjen urgjente financiare të Policisë së Kosovës,
Votimi i Projekt-Rezolutës nga debati parlamentar në lidhje me nevojën për ngritjen e koeficientit të pagave,
Shqyrtimi i dytë i Projektligjit nr.08/L-208 për Parqet Industriale dhe Teknologjike,
Shqyrtimi i dytë i Projektligjit nr.08/L-237 për kadastër të pronës së paluajtshme,
Shqyrtimi i parë i Projektligjit nr. 08/L-257 për Administrimin e Procedurave Tatimore,
Shqyrtimi i parë i Projektligjit nr.08/L-258 për promovimin e përdorimit të burimeve të ripërtërishme të energjisë,
Shqyrtimi i rekomandimeve lidhur me Raportin e Auditorit të Përgjithshëm për Raportin Vjetor Financiar të Buxhetit të Republikës së Kosovës, për vitin 2022,
Zgjedhja e 2 (dy) anëtarëve të Komisionit të Pavarur të Mediave,
Zgjedhja e 1 (një) anëtari të Bordit të Radiotelevizionit të Kosovës, nga radha e komunitetit serb,
Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje,
Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës.
