Sërish ka reaguar presidenti i RS në Bonsje e Hercegovinë. Këtë herë ai tha se vizita e kryeministrit të Kosovës Albin Kurti në Sarajevë, ka poshtëruar Republikën Serbe.
Ai është lëshuar edhe në dezinformim duke thënë se serbët në Kosovë “janë populli më i rrezikuar në Evropë”. Në deklarata nxitëse të tilla, është lëshuar edhe nënkryetari serb i Këshillit të Ministrave, Stasha Kosharac.
Kryetari i enklavës serbe në Bosnje dhe Hercegovinë, e ashtuquajtur Republika Serbe, Millorad Dodik ka thënë se vizita e kryeministrit Albin Kurti në Sarajevë është një “provokim i hapur, një fyerje për të gjithë serbët” dhe një konfirmim se Sarajeva po përdoret si platformë për zbatimin e politikave “që nuk kanë të bëjnë me paqen, bashkëpunimin dhe respektimin e të drejtave”.
“Vizita e Albin Kurtit në Sarajevë nuk është as një gjest vullneti i mirë dhe as një kontribut për stabilitetin rajonal. Është një përpjekje tjetër për të delegjitimuar popullin serb dhe për të poshtëruar Republikën Serbe”, ka shkruar Dodik në rrjetin social X.
Ai ka pretenduar se “RS nuk do të pranojë, nuk do të heshtë përballë provokimeve të tilla dhe gjithmonë do ta mbrojë dinjitetin e popullit serb”.
“Vizita e Kurtit, njeriut përgjegjës për faktin se serbët në Kosovë “janë populli më i rrezikuar në Evropë”, edhe një herë tregon se sa e instrumentalizuar është Sarajeva kundër serbëve dhe Serbisë”, ka thënë Dodik, i cili është nën sanksione të SHBA.
Sipas fjalëve të tij, “ndërsa Kurti, i cili është përgjegjës për sulmet e shumta ndaj “popullit serb” dhe vendeve të shenjta ortodokse, është pritur me respekt në Sarajevë, ai, presidenti i zgjedhur i serbëve në Bosnje dhe Hercegovinë, po gjykohet sepse nuk i respekton ligjet që nuk u miratuan me vullnetin e popullit serb, por në zyrat dhe kuzhinat e atyre që qëndrojnë pas këtij provokimi sot”.
Dodik vlerësoi se “dikush duket se po nxiton të krijojë kaos në BiH”.
Nënkryetari serb i Këshillit të Ministrave, Stasha Kosharac, ka thënë se Bosnja dhe Hercegovina nuk e ka njohur pavarësinë e Kosovës dhe se “kjo nuk do të ndodhë kurrë”, dhkruan gazeta express.“Kurti është një bandit që organizon sulme ndaj “popullit serb” dhe Kishës Ortodokse Serbe. Dhe si mund ta mirëpresim një njeri të tillë këtu”, ka thënë Kosharac.
