Mediat ruse raportojnë se ish-kryeministri i Dagestanit, Magomed Abdulayev, ka vdekur në një aksident në Makhachkala.
Sipas raportimeve të mediave, Abdulayev ishte duke kaluar rrugën jashtë vendkalimit të shënuar të këmbësorëve, kur një 55-vjeçar u përplas me të në Lada Niva, transmeton Telegrafi.
Rekl
Vdekja e tij pason një sërë vdekjesh të pasanikëve dhe zyrtarëve të shquar rusë, të cilët kanë vdekur në rrethana misterioze që nga fillimi i pushtimit të Ukrainës.
Abdulayev ishte ndryshe i afërt me ish-presidentin dhe kryeministrin rus, Dimitri Medvedev, dhe gjithashtu kundërshtues i ashpër i luftës në Ukrainë.
Ndonëse është transportuar menjëherë në spital, mediat ruse raportojnë se ka ndërruar jetë nga plagët e rënda.
Ai ishte duke kaluar rrugën jashtë vendkalimit të këmbësorëve, kur vetura Lada Niva u përplas në të. Nuk përmendet nëse shoferi është arrestuar.
Magomed Abdulayev ishte në krye të qeverisë së Dagestanit nga viti 2010 deri në vitin 2013. Ai u emërua në këtë post ndërsa Dmitry Medvedev ishte president.
Abdulaev dhe Medvedev studiuan së bashku. Në vitin 2015 ndaj tij ka nisur procedimi penal për shpërdorim detyre.
Sipas hetuesve, ai dëmtoi universitetin me më shumë se 20 milion rubla, të destinuara për pagesa të shumës së shpejtë për studentët. Hetimi ka përfunduar në vitin 2017, por nuk ka pasur gjykim.
Që kur Putin filloi pushtimin e tij në Ukrainë, 10 oligarkë rusë dhe njerëz të lidhur me regjimin e Putinit kanë vdekur në rrethana të pashpjegueshme.
