Drejtoria për Siguri dhe Emergjenca në Komunën e Prishtinës ka njoftuar se erërat e forta të së dielës kanë shkaktuar dëme në kryeqytet, përcjell KosovaPost.
Sipas njoftimit, këto dëme shihen në ndërtesa dhe rrugë.
Për sanimin e këtyre dëmve ka dalur edhe ekipa emergjente.
“Ekipet tona kanë dalë në terren për të bërë sanimin e këtyre dëmeve dhe janë në gatishmëri për çdo emergjencë tjetër.”, thuhet në njoftim.
Tutje, Drejtoria u ka bërë thirrje qytetarëve për kujdes të shtuar.
“Ju lutemi të keni kujdes të shtuar, shmangni në maksimum lëvizjet e panevojshme dhe për çdo rast lajmëroni Qendrën Operative Emergjente të Kryeqytetit në numrat: 0800 122 33 ose 0800 122 44”, thuhet në njoftim.
