Ministri i Jashtëm turk Hakan Fidan dhe kreu i Këshillit Shura të Hamasit të shtunën diskutuan përpjekjet për të vendosur një armëpushim në Gaza.
Sipas burimeve diplomatike turke, Fidan dhe Muhamed Darwish së bashku me delegacionin e tij janë takuar në kryeqytetin turk Ankara.
Gjatë takimit u theksua se Izraeli, duke bllokuar hyrjen e ndihmave humanitare në Gaza, po përpiqet ta bëjë të vuajë nga uria popullsinë palestineze, duke theksuar nevojën që komuniteti ndërkombëtar të shtojë përpjekjet për dërgimin e ndihmave në rajon.
Në takim gjithashtu u nënvizua se përpjekjet për t’i zhvendosur me forcë palestinezët nga atdheu i tyre janë të papranueshme.
U diskutua edhe për situatën në Bregun Perëndimor, me theks se si veprimet e Izraelit për ta bërë të përhershëm pushtimin kanë arritur një nivel që kërcënon paqen rajonale.
U diskutuan gjithashtu përpjekjet për ta arritur pajtimin midis grupeve palestineze.
Fidan theksoi rëndësinë e unitetit mes palestinezëve, duke e shprehur gatishmërinë e Türkiyes për të kontribuar në çdo mënyrë të mundshme dhe për t’i mbështetur këto përpjekje.
