Zëvendëskryeministrja dhe ministrja e Drejtësisë, Donika Gërvalla, ka thënë se pas miratimit në lexim të parë të pakos së projektligjeve të reformës në drejtësi është vënë “themeli shumë i shëndoshë” i reformës më të thellë në sistemin e drejtësisë, duke e cilësuar këtë pako si investim strategjik në të ardhmen e sistemit dhe si hap të rëndësishëm drejt konsolidimit të sundimit të ligjit dhe përmbushjes së pritjeve të qytetarëve për një sistem të drejtë dhe të pavarur.
“Me këto ligje jam e sigurt që kemi vënë themelin shumë të shëndoshë të reformës më të thellë në sistemin e drejtësisë të Republikës së Kosovës”, ka shkruar Gërvalla.
Ajo ka thënë se kjo pako e projektligjeve është një investim strategjik në të ardhmen e sistemit të drejtësisë.
“Kjo pako e projektligjeve është një investim strategjik në të ardhmen e sistemit tonë të drejtësisë. Miratimi i tyre shënon një hap të rëndësishëm drejt konsolidimit të sundimit të ligjit në Republikën e Kosovës dhe drejt përmbushjes së pritjeve të qytetarëve tanë që kanë për një sistem të drejtë dhe të pavarur”, ka shkruar Gërvalla.
