Shkruan: Fadil Pushkolli
Përderisa abuzimet me heroinën, si një prej narkotikëve më të dëmshëm, sipas ekspertëve që merren me personat që abuzojnë narkotikë, ka shënuar rënie në Kosovë, megjithatë, siç thonë ata, tashmë në vend janë duke u keqpërdorur drogat e reja të dizajnuara, të ashtuquajturat ‘legal high” apo “lartësia legale”.
Në fillim të këtij muaji Policia e Kosovës organizoi operacionin “Goditja” një ndër operacionet më të mëdha të viteve të fundit.
Gjatë këtij operacioni u arrestuan qindra persona nëpër të gjithë Kosovën gjatë kontrolleve të policisë u konfiskuan me dhjetëra armë dhe u konfiskuan edhe lëndë narkotike.
Sipas burimeve në pranga të policisë kishte rënë edhe gazetari i ‘Nacionale-s’, Vullnet Krasniqi të cilit policia gjatë kontrollit të saj, kishte gjetur në portofolin e tij një sasi droge pluhur i bardhë e llojit “Amphetamine”.
Operacioni “Goditja”, zbuloi edhe një herë se sa e rrezikshme është droga e quajtur metamfetamina, e cila po bëhet gjithnjë e më e popullarizuar kohët e fundit. Ky helm që ka pllakosur mbarë botën, ka nisur të përhapet edhe në vendin tonë.
Amfetamina dhe Meta-amfetamina, e cila i kthen përdoruesit në një zombie, shkakton prishje mendore si paranojë dhe skizofreni, si dhe prish dhe shkul dhëmbët, duke i çuar në një kohë të shkurtër deri në vdekje.
Kjo drogë, e cila u prodhua për herë të parë nga një kimist japonez në vitin 1919 dhe që ushtarët e Hitlerit ishin të varur nga kjo, tani është objektivi numër një i policisë së Kosovës.
Në vitet e fundit abuzuesit e narkotikëve kanë filluar ta përdorin këto substanca narkotike si Amfetamina dhe Meta-amfetamina, e njohur si “speed” apo “shpejtësia”, e cila sipas tij është jashtëzakonisht e rrezikshme.
Në anën tjetër, zyrtarët e Policisë së Kosovës thonë se janë në dijeni për rrezikshmërinë e këtyre drogave të reja.
Në Kosovë janë rreth 37 mijë përdorues të drogës e mbi 10 mijë prej tyre konsiderohen problematikë ose të varur, që nënkupton se përdorin narkotikë më shumë se tri herë në javë, bazuar në të dhënat e qendrës për këshillim dhe trajtim të varësive nga droga “Labyrinth”.
