Në Ditën Ndërkombëtare për Personat e Zhdukur me Dhunë, ambasadori amerikan, Jeff Hovenier, bashkë me ambasadorin e Francës dhe atë të Mbretërisë së Bashkuar kanë bërë homazhe te përmendorja dedikuar personave të zhdukur me dhunë gjatë luftës në Kosovë.
Hovenier tha se përsërisin thirrjen e tyre që të kapërcehen mosmarrëveshjet dhe të zgjidhen rastet e personave të zhdukur.
“Në këtë Ditë Ndërkombëtare të Viktimave të Zhdukjeve me Forcë, iu bashkova kryeministrit Kurti dhe kolegëve të trupit diplomatik për t’i bërë nderime familjeve kosovare që të pikëlluara presin lajmet për të dashurit e tyre të humbur. Ne përsërisim thirrjen tonë për institucionet dhe zyrtarët që të kapërcejnë mosmarrëveshjet e tyre dhe të punojnë së bashku për të zgjidhur rastet e personave të zhdukur”, ka thënë Hovenier.
