Gjenerata e re e Hummer ka kaluar në energji elektrike, dhe kështu është bërë një prej veturave më ekstreme elektrike. Mjafton të thuhet se GMC Hummer EV është një veturë gjigante.
Motori i tij elektrik prodhon mbi 1.000 kuaj-fuqi, që ka për detyrë të vë në lëvizje mjetin që peshon mbi 4.100 kilogramë. E këtë e bën në mënyrë të përkryer, pasi që kjo veturë shpejtësinë prej 0-100 kilometra në orë e arrin për 3 sekonda.
South Florida Customs (SoFlo Customs) ka vendosur ta avancojë tutje veturën serike Hummer dhe ta mbulojë pjesën e jashtme me një material special. Ngjyra e veturës ka tri shtresa dhe është një kombinim i përkryer.
Nuk dihet nëse kjo lyerje mbron ndonjë mbrojtje nga armët, por ekspertët e fushës thonë se do të ofrojnë mbrojtje nga “raketat off-road”, pra nga gurët dhe sendet e tjera të forta që mund ta godasin gjatë ngasjes dhe shkeljes së tyre me rrotat gjigante.
Në modifikim përfshihet ngritja e veturës për 4-inç si dhe prodhimin e rrotave të reja prej 38-inç. Brendësia është e mbuluar me materiale rezistente ndaj ujit, kështu që Hummer mund të vozitet edhe pa panelet e kulmit në kushte të rënda atmosferike.
SoFlo Customs bën të ditur se ky është modifikimi i parë i Hummerit të ri. Edhe pse nuk merren me vetura elektrike, pranojnë se modifikimi i kësaj “bishe” ishte argëtues si dhe i tërë projekti i konservimit që nxiti interesim të madh tek të tjerët.
Vetura e parë tashmë është shitur e dy njësitë e tjera janë në prodhim e sipër. Së shpejti do të zgjerohet gama – ku do të ketë edhe versionin me xhama që nuk mund të përshkohen nga plumbat. E këto modifikime në Hummer do t’i kushtojnë secilit blerës potencial hiq më pak se 220 mijë dollarë.