Njësiti i Hetimeve të Përgjithshme të Prishtinës, sot në Fushë Kosovë ka arrestuar dy persona të dyshuar për një rast të mashtrimit, përcjell KosovaPost.
Rasti është raportuar dje në polici pasi nga personat e dyshuar, ankuesit i janë kërkuar për të dytën herë një shumë parash.
Gjithçka ka filluar pas publikimit në rrjete sociale të një apeli për ndihmë (për shërim jashtë vendit).
Njoftimi:
“Personat e dyshuar duke u paraqitur rrejshëm (identitetin dhe vendbanimin), kanë kërkuar shuma parash në këmbim të rregullimit të dokumentacionit për shërim jashtë vendit. Kanë qenë veprimet e shpejta hetimore e operative të hetuesve policor, ato që kanë rezultuar me identifikimin dhe arrestimin e dy personave të dyshuar: ·E.B, 30 vjeç, mashkull, shtetas i Republikës së Kosovës dhe A.L, 48 vjeç, mashkull, shtetas i Republikës së Kosovës”, thuhet në njoftimin e policisë.
Aktualisht hetuesit janë duke kryer procedurat e nevojshme policore, ndërkohë që me vendim të prokurorit të dyshuarat janë dërguar në mbajtje.