Instituti Hidrometeorologjik i Kosovës (IHMK) ka publikuar parashikimin e motit për periudhën 14–18 shtator 2026.
Sipas IHMK-së, gjatë kësaj periudhe moti do të jetë kryesisht me diell dhe vranësira të shpërndara, ndërsa të martën priten riga shiu në disa pjesë të vendit.
Nga e mërkura temperaturat do të shënojnë rritje graduale, ndërsa të enjten temperaturat maksimale mund të arrijnë deri në 29°C.
Të hënën, më 14 shtator, temperaturat minimale do të lëvizin nga 6 deri në 9°C, ndërsa maksimalet nga 18 deri në 24°C.
Të martën, më 15 shtator, temperaturat minimale do të jenë 7–11°C, ndërsa maksimalet 19–24°C, me mundësi për riga shiu në disa zona.
Të mërkurën, më 16 shtator, temperaturat minimale do të lëvizin nga 7 deri në 10°C, ndërsa maksimalet nga 22 deri në 28°C.
Të enjten, më 17 shtator, temperaturat minimale do të jenë 7–10°C, ndërsa maksimalet pritet të arrijnë 23–29°C.
Ndërkaq, të premten, më 18 shtator, temperaturat minimale do të lëvizin nga 9 deri në 13°C, ndërsa maksimalet nga 23 deri në 27°C. Në disa zona të kufizuara mund të ketë ndonjë rigë shiu.
IHMK-ja vlerëson se kushtet biometeorologjike do të jenë kryesisht të favorshme, ndërsa kushtet agrometeorologjike përgjithësisht të përshtatshme për aktivitetet bujqësore.
