Andres Iniesta e mbyll karrierën e tij si lojtar në një ndeshje mes të mëdhenjve të Barcelonës dhe Real Madrid në Tokio dhe tani do të fillojë studimet për t`u bërë trajner.
Legjenda e futbollit spanjoll, 40 vjeç, njoftoi në tetor se do ‘varte këpucët’ pas një karriere që e pa atë të fitonte dy kampionate evropiane dhe Kupën e Botës 2010.
Para 45 mijë shikuesve që erdhën për ta përshëndetur, ai bëri një demonstrim përfundimtar të aftësive që e lejuan gjithashtu të fitonte nëntë tituj të La Ligës dhe katër Liga të Kampionëve gjatë 16 viteve të tij me Barcelonën.
Ai u sigurua që të merrte duartrokitjet me një krosim në minutën e fundit që mbrojtja e Real Madridit e devijoi në rrjetën e tyre, duke lejuar Barcelonën të fitonte 2-1.
“Mendoj se ishte një ndeshje e shkëlqyer për tifozët japonezë”, tha Iniesta, i cili luajti në Japoni për pesë vjet pas largimit nga Barcelona në vitin 2018.
“Nëse ata shkuan në shtëpi të kënaqur, atëherë unë jam shumë i lumtur”.
Gjatë kohës së tij në Camp Nou ai bëri 674 paraqitje dhe fitoi gjithsej 32 trofe.
Më pas u transferua në Vissel Kobe, përpara se të luante një sezon të fundit në Emiratet e Bashkuara Arabe./rtsh
