Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 28 shkurt, shkruan Kosova Post.
28 Shkurti është dita e 59 e vitit, deri në fund të tij janë edhe 306 ditë.
28 shkurt 1922… Egjipti shpalli pavarësinë nga Mbretëria e Bashkuar. Pasi u përfshi në sovranitetin osman në vitet 1500, Egjipti qëndroi përafërsisht 400 vjet nën administratën turke. Kurse në vitin 1882 duke u shkëputur nga Perandoria Osmane, hyri nën administrimin anglez. Në Mbretërinë e Egjiptit, që u udhëhoq për 40 vjet nga anglezët, edhe pse u shpall pavarësia në 28 shkurt 1922, nuk pati ndonjë ndryshim të madh. Pas shpalljes së pavarësisë, përsëri për 30 vjet të tjera anglezët i dhanë drejtim udhëheqjes së vendit në mënyrë efektive. Sovraniteti anglez mori fund pas rrëzimit të Mbretërisë së Egjiptit si rrjedhojë e një grushtshteti në vitin 1952. Një vit pas kësaj Egjipti u shpall republikë.
28 shkurt 1940… Për herë të parë një ndeshje basketbolli u transmetua drejtpërsëdrejti në televizor në Shtetet e Bashkuara të Amerikës. Ndeshja në “Madison Square Garden” ndërmjet skuadrave të universiteteve “Fordham” dhe “Pittsburgh”, është ndeshja e parë e basketbollit e transmetuar në televizor.
28 shkurt 1945… Turqia nënshkroi Kartën e Kombeve të Bashkuara. 8 muaj pas nënshkrimit të Kartës në Amerikë nga i ngarkuari me punë i Turqisë, Orhan Erol, u themelua zyrtarisht Organizata e Kombeve të Bashkuara. Turqia është gjithashtu një nga vendet themeluese të OKB-së. Ideja e parë për krijimin e Kombeve të Bashkuara ishte hedhur në mbarim të Luftës së II Botërore nga palët fituese të kësaj lufte me qëllimin që të marren masa kolektive të efektshme për të parandaluar dhe larguar rreziqet që kërcënojnë paqen; për të ndaluar çdo akt agresioni ose prishjeje tjetër të paqes, dhe të realizojnë me mjete paqësore, në përputhje me parimet e drejtësisë dhe të së drejtës ndërkombëtare, rregullimin ose zgjidhjen e mosmarrëveshjeve ose të situatave të karakterit ndërkombëtar që mund të çojnë në prishjen e paqes.
28 shkurt 2015… Vdiq shkrimtari i parë turk i emëruar kandidat për çmimin “Nobel” në letërsi, Yasar Kemal. Pasioni i tij për letërsinë filloi me vjershat, para se të shkonte në shkollën fillore. Ai ka shkruar poezi, romane, tregime e skenarë dhe vlerësohet si një nga mjeshtrit më të mëdhenj të letërsisë turke. Veprat e tij janë përkthyer dhe botuar në shumë gjuhë si dhe shumë libra të tij janë xhiruar edhe film. Krahas çmimeve që ka marrë në Turqi, ai ka marrë edhe mbi 20 çmime ndërkombëtare si: çmimin ndërkombëtar “Cino del Duca”, titulli “Legion d’Honneur”, çmimi i parë “Premi Internacional Catalonia”, çmimi Shoqatës Gjermane të Botuesve dhe Librarive – Panairi i Librit në Frankfurt etj.