5 Korriku është dita e 186 e vitit, deri në fund të tij janë edhe 179 ditë.
Ngjarje
328 – Hapet zyrtarisht Ura e Konstandinit e ndërtuar mbi Danub midis Korabit, Rumani dhe Gigen, Bullgari, nga arkitekti romak Theophilus Patricius. Ura, kryesisht prej druri, u përurua në praninë e perandorit Konstandini i Madh. Me një gjatësi prej 2437 metrash, Ura e Konstandinit është konsideruar si ura e lashtë më e gjatë në botë, dhe një nga urat më të gjata në të gjitha kohërat që lidh dy brigjet e një lumi. Ura mbeti në përdorim për katër dekada, pastaj nuk përmendet më. Përpjekjet për të gjetur vendodhjen e urës filluan në shekullin e 17-të, dhe u ndërprenë për të rifilluar në fund të shekullit të 19-të. Në vitin 1934, Dumitru Tudor botoi veprën e parë të plotë, duke përcaktuar vendin e saktë të saj.
1295 – Skocia dhe Franca formojnë një aleancë kundër Anglisë. Kushtet e traktatit përcaktonin se nëse një prej dy vendeve sulmohej nga Anglia, vendi tjetër do të pushtonte territorin angleze. Në 1429, skocezët i shkuan në ndihmë Zhan D’Arkës në betejën e famshme të Orleanit ndërsa Anglia kishte pushtuar Francën.
1610 – John Guy niset për lundrim nga Bristol i Anglisë me 39 emigrantë për në ishullin Newfoundland, afër Kanadasë, ku krijoi një koloni. Guy u kthye në Angli në prill 1613 për të mbledhur ndihma për koloninë e re, por pa sukses; pas kësaj ai u dha pas tregëtisë e politikës, dhe nuk u kthye më në Newfoundland. Emri zyrtar i ishullit ishte “Newfoundland” deri në vitin 2001, kur ndryshoi në “Newfoundland & Labrador”
1687 – Shkencëtari Isak Njuton boton “Philosophiae Naturalis Principia Mathematica”. Në vitin 1747, fizikani francez Alexis Clairaut e vlerësoi veprën e Njutonit si fillimin e epokës së një revolucioni të madh në fizikë që nxorri në dritë matematikën, shkencë e cila deri atëherë kishte mbetur vetëm hipotetike.
1934 – “E enjtja e Përgjakshme” – Policia hap zjarr mbi marinarët në San Francisko, të cilët ishin hedhur në grevë prej 83 ditësh – ata kërkonin sindikalizmin e gjitha porteve të bregut perëndimor të Shteteve të Bashkuara.
1943 – Lufta e Dytë Botërore: Flota aleate fillon pushtimin e Sicilisë; ndërkohë që forcat gjermane fillojnë një ofensivë masive kundër Bashkimit Sovjetik në betejën e Kurskut, e njohur gjithashtu e njohur si Operacioni Citadel.
1946 – Bikinit dalin për herë të parë në shitje menjëherë pas një sfilate të modës në pishinën Molitor në Paris, Francë. Shumë vende perëndimore i shpallën ato të paligjshme, ndërsa Vatikani i futi në listen e mëkateve. Bikinit filluan të popullarizohen nga yjet aktore si Brigitte Bardot dhe Ursula Andress dhe nga mesi i viteve 1960 u bënë të zakonshme në plazhe. Stilisti francez Louis Reard, që krijoi këtë veshje, i quajti “bikini”, duke marrë emrin nga ishulli Bikini në Oqeanin Paqësor; katër ditë më parë, më 1 korrik 1946, Shtetet e Bashkuara kishin kryer provën e parë bërthamore në ishullin Bikini. Reard shpresoi se duke përdorur emrin “bikini”, do të shkaktonte të njëjtin shpërthim edhe në fushën kulturore.
1950 – Knesseti (Parlamenti izraelit) miraton Ligjin e Kthimit, që u jep të gjithë hebrenjve të drejtën të emigrojnë në Izrael.
1954 – BBC (British Broadcasting Corporation) transmeton buletinin e saj të parë të lajmeve televizive.
1958 – Karol Wojtyla, që më vonë do të bëhej Papa Gjon Pali i Dytë, u caktua peshkop ndihmës në Krakow, në vendlindjen e tij, Poloni.
1960 – Ylli i 50-të iu shtua flamurit amerikan për ta përfaqësuar shtetin e ri, Hawain.
1966 – Presidenti Lyndon B. Johnson e ktheu në ligj Aktin për Lirinë e Informacioneve.
1971 – E drejta e votës: amendamenti njëzet e gjashtë i Kushtetutës së Shtetet e Bashkuara për uljen e moshës së votimit nga 21-18 vjeç vërtetohet zyrtarisht nga presidenti Richard Nixon.
1990 – Serbia okupon RTV e Prishtinës dhe e mbyll atë. Të gjithë puntorët shqiptar të RTP i largon nga puna.
2001- Qevria e Maqedonisë dhe kryengritësit shqiptarë arrijnë marrëveshjen për paqë.Me këtë marrëveshje u arrit të ndërprehet konflikti, i cili u nënshkrua më 13 gusht në Ohër.
2009 – Kurora e Statujës së Lirisë u rihap për turistët për herë të parë që nga sulmet terroriste të 11 shtatorit 2001.
2012 – Londër, Angli; Kryehet përurimi i ‘Shard of Glass’ – ndërtesa më e lartë në Evropë, afërsisht 310 metra e lartë; ndërtimi kishte filluar në mars 2009; përfundoi në mars 2012, u përurua në korrik 2012, dhe u hap për publikun më 1 shkurt 2013.
